អភិបាលខណ្ឌដូនពេញ បញ្ជាឲ្យឃាត់រថយន្តរត់ឈ្នួលក្រោយបើកព្រហើនកិនជើងមន្ត្រីសណ្តាប់ធ្នាប់ ពេលចុះពន្យល់ណែនាំរឿងចត
05-January-2016 | ដោយ មួយឡា
ភ្នំពេញ៖ អភិបាលខណ្ឌដូនពេញ លោក គួច ចំរើន បានបញ្ជាទៅកម្លាំងសមត្ថកិច្ចនិងកម្លាំងសណ្តាប់ធ្នាប់ ឃាត់រថយន្តតូរីសមួយគ្រឿង រត់ឈ្នួលក្រោយពីអ្នកបើករថយន្តមួយគ្រឿងនេះ ព្រហើនដោយបើកកិនជើងមន្ត្រីសណ្តាប់ធ្នាប់សាលាខណ្ឌ ខណៈដែលកំពុងចុះរៀបចំសណ្តាប់ធ្នាប់និងពន្យល់ណែនាំ ពីការចតរថយន្ត នៅចំណុចគល់ស្ពានជ្រោយចង្វារ។
មន្ត្រីសាលាខណ្ឌដូនពេញ បានប្រាប់ឲ្យដឹងថា នៅវេលាម៉ោង ១១:៤០ នាទីព្រឹកថ្ងៃទី០៥ ខែមករា ឆ្នាំ២០១៦ មានរថយន្តតាក់ស៊ីមួយគ្រឿងផ្លាកលេខ ភ្នំពេញ 2AF-0630 បើកបរដោយតៃកុងទំនើង ព្រហើនមិនស្តាប់ការណែនាំរបស់អាជ្ញាធរ ដែលហាមមិនឲ្យចតឡានចាប់ម៉ូយនៅចំមុខគល់ស្ពាន ដែលអាចបណ្តាលឲ្យមានការកកស្ទះនឹងមានគ្រោះថ្នាក់ជាយថាហេតុណាមួយ។
ប៉ុន្តែតៃកុងឡានរូបនេះ មិនត្រឹមតែមិនស្តាប់ការណែនាំ បែរជាហ៊ានបំពានបើកបុកកម្លាំងសណ្ដាប់ធ្នាប់ខណ្ឌដូនពេញ ដែលកំពុងចុះរៀបចំសណ្តាប់ធ្នាប់នៅចំណុចគល់ស្ពានជ្រោយចង្វារ ត្រើយខាងលិចនិងបានបង្កឲ្យកម្លាំងសមត្ថកិច្ចម្នាក់ មានរបួសជើង ហើយកំលាំងបានធ្វើការឃាត់ខ្លួនតៃកុងទំនើងនោះភ្លាមៗ នៅនឹងកន្លែង រីឯជនរងគ្រោះក៏បានបញ្ជូនទៅមន្ទីពេទ្យផងដែរ។
សូមបញ្ចាក់ផងដែរថា លោក គួច ចំរើន អភិបាលខណ្ឌដូនពេញ តែងដាក់បទបញ្ជា អោយកំលាំងសណ្តាប់ធ្នាប់ខណ្ឌចុះរៀបចំសណ្តាប់ធ្នាប់ ជារៀងរាល់ថ្ងៃដើម្បីសម្រួលភាពងាយស្រួលដល់អ្នកដំណើរផ្សេងៗ នឹងសុវត្ថិភាពជូនប្រជាពលរដ្ឋដោយធ្លាប់ទាំងនាំម្ចាស់រថយន្ត មកពន្យល់ណែនាំ ដល់ខណ្ឌថែមទៀតផង ប៉ុន្តែពួកគាត់នៅតែអនុវត្តន៍ជាដដែល ហើយឈានដល់ការនាំម្ចាស់រថយន្តមកណែនាំ គឺមិនមានការផាកពិន័យអ្វីនោះទេ គឺគ្រាន់តែនាំមកពន្យល់អោយដឹងពីផលប៉ះពាល់នានាក្នុងការចតប៉ុណ្ណោះ៕ ដោយ មែន កំសត់
ចំនួនអ្នកទស្សនា
- ថ្ងៃនេះ12011
- ម្សិលមិញ12561
- សប្តាហ៍នេះ39961
- ខែនេះ61841
- ឆ្នាំនេះ61841
- សរុប20504297